Ginekologiya

Ginekologiya bo‘limi nozik jins vakillariga individual yondashuv orqali zamonaviy tekshiruv va davolash usullarini taklif qiladi. Siz o‘z sog‘lig‘ingizni bizning mutaxassislarimizning qo‘liga bemalol topshirishingiz mumkin.

Ginekologiya - bu ayollarning reproduktiv tizimi kasalliklarini, turli yoshdagi ayol tanasining fiziologik va anatomik xususiyatlarini o‘rganadigan tibbiyot sohasi.

Ginekologlar tomonidan ko‘rib chiqiladigan masalalar qatoriga nafaqat davolash, balki ayollarning reproduktiv tizimi kasalliklarining oldini olish, homiladorlikni nazorat qilish ham kiradi. Bundan tashqari, zamonaviy ginekologiya tibbiyotning jarrohlik, endokrinologiya, mammologiya, estetik tibbiyot va nevrologiya kabi sohalari bilan chambarchas bog‘liq.

Ginekologik yordamning maqsadi ayollarning reproduktiv tizimidagi kasalliklar va patologik o‘zgarishlarning oldini olish, davolash va tashxislashdir.

Zamonaviy ginekologiya barcha yoshdagi ayollar bilan profilaktika ishlariga katta ahamiyat beradi. Ayol kishining yosh toifasiga ko‘ra, ginekologiyaning uchta asosiy maqsadi haqida gapirish mumkin:

- O‘smirlik davrida yallig‘lanish kasalliklari va bepushtlikning oldini olish kerak.

- Reproduktiv yoshda - bachadon va tuxumdonlar patologiyasi, endometrioz, hayz ko‘rish buzilishi oldini olish, davolash va diagnostikasi.

- Menopauza va menopauzadan keyingi davrda-onkologik kasalliklar rivojlanishining oldini olish, gormonal o‘zgarishlarni tuzatish.